Hmong Baptist National Association

April 6-7, 2024

—

by

HBNA Editor
in

April 6-7, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Vaajtswv txujlug muajsa zeeg nyob hab muaj fwjchim. Txujlug ntawd ntse dlua raab ntaaj ob saab ntse nkaug moog txug nruabplaab nruabplawv, nruabnqaj nruabtxhaas. Txujlug ntawd paub tej kws tuabneeg xaav hab tuabneeg lub sab.” (Henplus Hebrews 4:12)

Xaav Txug Tejlug Rua Nubnua

Vaajtswv Txujlug tsi yog phoo sau tej lub hli zwm tseg. Nwg yog phoo sau txujlug kws muajsa rua txhua tav noognyoog. Nwg yog phoo sau qhovtseeb hab qhovtseeb ntawd txhaj yog qhov yuav nyob moog ibtxhis rua najnub nwgnuav. Nwg muaj nyob txhabnag txheeb xyoo tsi paub xaus.  Nwg tseemceeb.  “Tug Tswv  covlug yuav nyob moog ibtxhis le – The word of the Lord endures forever” (1 Petus 1:25).

Nwg muaj lubneej kws yuav hloov tau nyob huv phoo ntawv nuav. Kuv tub tau qhuabqha qhov tseeb kws paub txaus nyob huv phoo ntawv nuav tshaaj le lwm phoo ntawv. Peb nyeem lwm phoo ntawv, tabsis phoo ntawv nuav nyeem peb. Vaajtswv has tas Nwg txujlug yog txujlug muajsa hab muaj fwjchim. Vaajtswv has, “Tsi yog Kuv covlug… zoo le raabrauj kws nroo Pobzeb tawg mognyoos?  ” (Yelemis  23:29). Txawj yuav yog lub Pobzeb tawv npaum le caag los yog roo lawm ces yuav tawg. Kuv tub ua le ntau ntau zag. Vaajtswv Txujlug muaj fwjchim hab muaj kuab heev.

Lub fwjchim dlaabtsi txhaj muaj fwjchim? Nwg yog lub fwjchim cawm tuabneeg txhum txuj kev txhum. Nwg muaj fwjchim rhuavtshem tsimsab kws kuv thev tsi taug. Nwg muaj fwjchim tshem qhov txaajmuag ua qhov zoo tau ntsejmuag hab zoo sab. Nwg muaj fwjchim tshem tau qhov kev txhum kws nyob huv yug lubneej.  Koj yuav tsi tau kev cawmdlim, hab yuav tsi muaj ibtug twg cawm tau koj yog tsi yog Vaajtswv txujlug. Yexus Txujmoo zoo yog kev cawm dlim kws lub kawgnkaus.

Kev Thov Vaajtswv

Kuv Leejtxiv tug nyob sau ceebtsheej, ua tsaug rua koj lub fwjchim lug ntawm tug Ntsujplig Dlawbhuv ua kuas kuv ua tau lubneej le Yexus. Thov pub lub fwjchim rua kuas kuv tsuas ho moog cawm tau lwm tug lug cuag koj hab ua rua koj ibleeg tau koobmeej. Huv Yexus lub npe. Kuv thov. Amees.