February 17-18 2024

February 17-18, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog le ntawd Vaajtswv txhaj tsim tuabneeg muaj yaamntxwv zoo ib yaam le Vaajtswv. Vaajtswv tsim txivneej, hab tsim quaspuj.”  — Chivkeeb Genesis 1:27

Xaav Txug Tejlug Rua Nubnua

Peb tuabneeg tau tsim lug huv Vaajtswv tug yaamntxwv. Tsi yog txivneej lossis tub, tsi yog quaspuj lossis ntxhais.  Taagnrho txivneej hab quaspuj raug tsim lug ntawm Vaajswv tug yaamntxwv!  Nyag muaj nyag qhov zoo rua yaam kws Vaajtswv tsim.   Vaajtswv tsim peb hab paub peb thaus peb tseem nyob rua huv leejnam lubcev  (Nkauj Qhuas Vaajswv 139:13-16), nwg tsim peb huv nwg tug yaamntxwv (Chivkeeb Genesis 9:6). Yog le tuabneeg txhaj yog yaam txhwjxeeb dlua le tej kws Vaajtswv tsim rua qhov peb muaj yaam zoo le Vaajtswv nyob huv peb.  Tuabneeg yog yaam zoo txhwjxeeb tsi yog rua Vaajtswv xwb, tabis zoo rua tuabneeg txhua tug, yog le thaus peb lug saib yuav ua rua peb pum Vaajtswv tsim peb muaj yaam kws yog Vaajtswv le nyob huv peb tuabneeg txhua txhua tug. 

Kev Thov Vaajtswv

Vaajtswv tug tsim txhua yaam, thov paab kuas kuv pum tas, kuv muaj nqes heev rua kuv hab rua lwm tug tuab yaam nkaus. Tuab lub sijhawm ntawd, thov foom koobmoov rua kuv kuas kuv saab ntsujplig kheevhlub ib yaam le koj tsim kuv kuas kuv luj hlub saab ntsujplig. Kuv txus fwichim hab thov koj paab kuas kuv hloov tau kuv lubneej moog zoo le koj koj lub tej nwbnub   (2 Kauleethaus Corinthians 3:18). Huv Yexus Lub npe, Kuv Thov. Amees.