August 8, 2024

August 8, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Peb yog tug npaaj tau homphaj, tabsis thaus kawg Vaajtswv yog tug ua kuas tav. a 2Koj xaav has tas txhua yaam tsaav kws koj ua puavleej yog, tabsis tug tswV txavtxim rua tej koj ua. 3Koj yuavtsum muab tej kws koj npaaj tseg tso rua tug tswV tswj, koj txhaj ua tau tej ntawd zoo.” (Paajlug 16:1-3)

Xaav Txug Tejlug Rua Nubnua

Nehemis yog tug txivneej kws cog lug tseg rua nwg kev ua Vaajtswv tegnum.  Nehemis 1:11 has tas, “O tug Tswv, thov koj noog kuv tej lug thov, hab noog lwm leej lwm tug kws yog koj cov tubkhai kws fwm koj tej lug thov. Nubnua thov koj tshoov fuabtais sab kuas nwg taabncuab kuv, kuv txhaj ua tau lawv le tej kws kuv lub sab xaav.”

Nehemis, tug ua txuj haujlwm huv Vaajntxwv lub loog, nwg yog tug kws yuav muaj xwmtxheej rua nwg lubneej nwg txhaj thov vaajntxwv kuas hlub nwg.  Nehemis yog Vaajntxwv ibtug tub laubcawv.  Nwg tau lug nrug vaajntxwv hab nojhaus nrug vaajntxwv uake, tabsis ua ntej vaajntxwv nojhaus losis ua ntej vaajntxwv yuav haus nwg yuav tau sim tej cawv ntawd ua ntej kuas paub has tas, tej cawv ntawd tsi muaj tshuaj lom. Yog muaj tej nuav lug ua tuabzoo xaav mas pum tau has tas, nwg kuj yog ibteg  tseemceeb kws tuabneeg nplajteb muaj, Nehemis yog tug ua tuabzoo ua nwg tegnum tshaaj le ua rua Vaajtswv.

Nehemis txhaj ua haujlwm rua tug Tswv hab muab cov lug rua nwg kuas nwg rov lug moog rua Yeluxalees hab tsim khu saab phob ntsaa ntawm lub tuamtsev. Nwg tsi yog yuav pum qhov pobpuag hab quaj xwb; nwg tau coglug tseg rua Vaajtswv tas nwg yuav ua Vaajtswv tegnum kws nwg ua. Vaajntxwv tsi yog yuav teb rua nwg has tas, kuv tsocai rua koj moog ua tau, tabsis kuv tseem yuav paab tej cuabyeej rua koj moog ua; hab vaajntxwv “Fuabtais ua txhua yaam lawv le tej lug kuv thov, rua qhov Vaajtswv nrug nraim kuv nyob.” (Nehemis 2:8).

Kev Thov Vaajtswv

Txiv, kuv ua koj tsaug rua qhov koj cawm kuv hab coj kuv tawm ntawm txujcai kws khi kuv hab muab koj tug ntsujpli lug paab kuv txawm yog thaus kuv tseem tsi tau muab kuv lub plawv lug cuag koj. Huv Yexus Lub npe, kuv thov. Amees.