April 27-28, 2024

April 27-28, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Rua qhov mej yog Vaajtswv cov mivnyuas, Vaajtswv xaa nwg tugTub lug rua huv mej lub sab,  Tug Ntsujplig ntawd yog tug qha peb hu Vaajtswv has tas, “Abba, Txiv.” Yog le ntawd mej tsi yog cov tuabneeg ua qhev lawm tabsis yog Vaajtswv mivnyuas. Vim mej yog nwg mivnyuas, Vaajtswv tau npaaj  rua mej kuas tau txais nwg qugtxeeg qubteg le tubki.— Kalatias, Galatians 4:6-7

Xaav Txug Tejlug Rua Nubnua

Thawj thawj lub suab has lug ntawm tej mivnyuas moglab yog has tas “has gw has qw, ab-ba, ab-ba, ab-ba.” Kuj ua rua peb tsi ceeb tabsis ua rua peb zoo sab, Yexus tam, abba yog mivnyuas mog lu lug chiv has lug has tas, txiv. Thaus Vaajtswv cawm peb, nwg muab nwg tug Ntsujplig rua peb. Tug Ntsujplig Dlawbhuv yog tug foom koobmoov rua peb ntau ntau yaam rua ntau txuj kev. Ib yaam tseemceeb huv Ntsujplig tegnum tes yog kev thov Vaajtswv. Nwg kub sab lug thov Vaajtswv rua peb huv peb lub sab thaus peb ntsoo tujtawg huv peb lub sab. (Loo Romans 8:26-27). Tug Ntsujplig paab peb has yaam zoo rua Vaajtswv sub Vaajtswv txhaj paub tas, peb yuav tsum muaj dlaabtsi huv peb lubneej hab fwm yaam le peb hu Vaajtswv has tas, Abba Txiv.

Kev Thov Vaajtswv

Ua tsaug,   Abba Txiv, rua koj txujkev hlub peb, cawm peb, hab caw peb kuas peb lug ua koj tsev tuabneeg. Ua tsaug rua tug Ntsujplig Dlawbhuv, tug paab peb qha yaam peb yuav has lug nrug Txiv thaus peb tsi paub yuav thov has lecaag — nwg qha rua peb huv peb lub sab. Ua tsaug kuv Abba Txiv, kws pub lub fwjchim rua peb kuas ua tau lubneej koj xaav kuas peb ua. Ua tsaug rua Yexus, rua tug Ntsujplig Dlawbhuv kws ua dlejnum huv kuv kuas kuv paub tas kuv yog Vaajtswv tug mivnyuas kws Vaajtswv hlub. Huv Yexus lub npe. Kuv ua tsaug hab qhuas koj. Amees.