April 25, 2024

Nubnuav Nyeem-Kawm Vaajtswv Txujlug

Nqailug Rua Nubnua

“Txu fwjchim ntawm tug kheej rua Vaajtswv.  Mej yuav tsum tawmtsaam dlaab ntxwgnyoog, dlaab txhaj yuav tsiv. Mej ca le lug cuag Vaajtswv, Vaajtswv txhaj yuav lug cuag mej. Cov nag tuabneeg ua txhum es, mej yuav tsum ntxuav mej tej tes kuas huv. Cov nag tuabneeg sab phem es, mej yuav tsum tu mej lub sab kuas zoo.”— Yakaunpaus-James 4:7-8

Xaav Txug Tejlug Rua Nubnua

Yakaunpaus yeej ibtxwm tim qhovtseeb rua yaam lug has yoojyim.   Ca ua tuabzoo saib qhov tseeb kws huv kev ncaajnceeg:  “Txu fwjchim muaj tug kheej, rua Vaajtswv…. hab txaav lug nyob ze Vaajtswv….” Ca le txaav hab ca mej lub sab lug nyob ze Vaajtswv. thaus mej lug nyob ze nwg, peb yuav paub peb kev xaav, kev cuabzug, hab paub tug xeebceev kws yuav ua lubneej zoo hab ncaajnceeg rua koj tug Tswv huv nwg txuj kev hlub hab kev cawm. Thaus tuab lub sijhawm zoo le ntawd. Dlaab ntxwgnyoog yuav yuam kuas muaj tsi xob moog cuag lossis moog ze Leejtxiv tug dlawbhuv hab ncaajnceeg. Ca le txaav lug cuag Vaajtswv, lug nyob huv nwg koj txhaj yuav ua tau lubneej zoo zujzug nyob huv nwg. Ca le thov Vaajtswv ntxuav koj lub sab kuas koj muaj lub sab tshab ntawm koj ua neej tej nwbnub ntawd. Thov ca Vaajtswv muab nwg txujkev dlawbhuv lug ntsoognrawv koj kuas koj dlawbhuv pub rua nwg!

Kev Thov Vaajtswv

Txiv tug ncaajnceeg, ua koj tsaug rua koj txujkev hlub hab kev zaam txim. Nwgnuav thov paab kuas kuv txaav tau lub nyob ze koj huv tej nwgnub huv kuv kev ua kuv lubneej. Thov ntxhuas kuv lub sab hab pub fwjchim kws yog koj txuj kev hlub hab koj kev dlawbhuv. Huv Yexus lub npe, Kuv thov Amees.