April 12, 2024

April 12, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Kuv ^[Vaajtswv]yuav pub mej muaj lub sab lub ntsws tshab. Kuv yuav tshem mej lub sab tawv le pobzeb tawm, hab pub mej muaj lub sab noog lug.  Kuv yuav pub kuv tug Ntsujplig rua mej, hab kuas mej coj lawv le kuv tej kevcai hab kuv tej lug saamfwm..” (Exenkees Ezekiel 36:26-27)

Xaav Txug Tejlug Rua Nubnua

Kuv nov txug ibtug tubrog Lavxias. Huv kev ua rog, cov tuabneeg Lavxias has tas, “Tsi xob yeejswb—sum tua tugkheej tuag zoo dlua le moog nyoos.” Tabsis nws xyoos. Nwg tsaa nwg ob txhaisteg. Tug tubrog nyeslamaas has rua nwg, nce lug sau lub tsheb thaas, hab kuv yuav coj koj nwg moog rua tom yeej khaws tuabneeg raugtxim.  Muaj ib mo nwg tug kheej pum ib lub thoobhlau nyob ze ntawm nwg. Mo ntawd kuj yog no heev, hab nwg txawm pib yuav tsauvtawg.  Nwg tig saib puagcig saib puas muaj ib dlaim ntawv twg lug zig suavtawg,  nwg pum ib cov mivnyuas ntawv kws yog has txug txujmoo zoo. Muaj txujlug nyob huv Tshwmsim 3:20, “Simsaib, Kuv sawv saab qhovrooj nrau hab khob. Yog leejtwg nov Kuv lub suab hu hab qheb qhovrooj, Kuv yuav nkaag lug rua huv nwg hab koom nojmov nrug nwg hab nwg nrug Kuv. ” Hab nwg has tas, “Nuav yog has txug Vaajtswv.”

Ces nwg txawm nyo haus ntshis hab thov, “Vaajtswv yog koj yeej muajsa nyob tag, yog koj nyob ntawm nuav tag, has qha rua huv kuv lubsab tas, nuav yog Koj Txujlug. ” hab taamsim ntawd ntxawm muaj ib lug suab suvso ua rua nwg noog zoo le lug cuag nwg hab Vaajtswv ntxhi rua nwg ntsuabsab tas,  “Kuv tug mivnyuas, Kuv nyob ntawm nuav, Kuv yeej nyob ntawm nuav lug lawm ntev.  Kuv taabtom khob koj lub qhovrooj sab.” Tug Ntsujplig Dlawbhuv txawm ca le lug kaav taagnrho nwg lub sab hab hloov nwg ua tug tuabneeg tshab.

Tej nuav muaj lug tau lecaag? Nwg yog Vaajtswv tejlug lug ntawm ug Ntsujplig kws has rua huv nwg lubsab. Hab Vaajtswv tug has rua nwg yuav yog tug Vaajtswv has ntxhis tuaj rua koj lub sijhawm nuav tuabyaam nkaus.

Kev Thov Vaajtswv

Kuv Txiv tug nyob sau ceebtsheej, ua koj tsaug vim koj suav has tas, kuv muaj nqe ntau heev.  Kuv paub tas, koj muaj ntau yaam kws koj yuav tsi xaiv kuv, tabsis ua caag koj tsuas xaiv kuv, kuv yog tug mivnyuas kws koj hlub, tabsis koj hlub hab taabncuab kuv lug huv koj tug Tub Yexus!  Thov koj tug Ntsujplig Dlawbhuv lub fwjchim hloov kuv kuas kuv ua tau lubneej le Yexus lub hab kuas ua tau zoo rua koj — npuvnpo kev hlub, muaj lub sab ntev, lub sab mogmuas hab uv taug taag moog le. Thov muab tej nuav rua kuv kuas kuv yog tug ua tau koobmoov rua lwm tug tau txais hab lug ua rua koj tau koobmeej. Huv Yexus lub npe, Kuv thov. Amees.