Hmong Baptist National Association

April 9, 2024

—

by

HBNA Editor
in

April 9, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Rua qhov Yexus Khetos tuag tuabzag xwb txhiv tau mej lub txim lawm. Nwg yog tug ncaajnceeg, nwg tuag txhiv cov tuabneeg tsi ncaajnceeg. Nwg ua le ntawd nwg txhaj coj tau mej moog cuag Vaajtswv. Luas muab nwg lub cev tua povtseg tabsis Vaajtswv tsaa nwg tug Ntsujplig sawv rov qaab lug.”(1 Peter 3:18)

Xaav Txug Tejlug Rua Nubnua

Vaajtswv zaam kev txhum, tabsis zaam lecaag? Nwg yuav tsum muaj ibtug twg ua tug them qhov nqe rau txim rua kev ua txhum. Vaajtswv tsi yog ca le lug saib qhov kev txhum es ca le zaam. Yog Vaajtswv tsuas saib rua qhov txhum xwb, Vaajtswv yuav tsi yog tug dlawbhuv lawm vim tug ncaajnceeg yuav txavtxim kev ncaajnceeg yog has tas, koj tsuas ho saib rua tej xwm phem xwb.

Ntawd muaj ibtug has tas, moog,  “thaus tug ua txhum raug npluas, tug txavtxim yog tug rau txim.”  Yog tug txavtxim tsuas has tas, “Kuv yog tug txavtxim kws muaj kev hlub. Kuv yuav saib tej koj ua, tua tuabneeg, hlawv, tubsaab, saib lug lecaag. Ntawd kuj yuav tsi ua le caag. Kuv yog tug txavtxim kws muaj kev hlub.” Thaus lub sijhawm zoo le nuav tug txavtxim yog tug ua qhov txhum ntawd.

Yog Vaajtswv lug saib txuj kev txhum es ca le tsi txavtxim rua, Vaajtswv yuav poob sau Nwg lub zimtxwv kws ncaajnceeg.  Yog Vaajtswv tsuas muaj dlua lwm txuj kev lug cawm, Vaajtswv yuav siv txuj kev ntawd. Ntxawd txhaj yog qhov tug timthawj Paulus has tas, “Kuv yuav tsi txaajmuag qha txuj txujmoo zoo kws yog Yexus Khetos txug,  ntawd txhaj yog Vaajtswv lub fwjchim cawm tuabneeg nplajteb…” (Loo 1:16). Yexus tuag rua koj, hab Nwg xaav tau koj ua lubneej rua nwg tau koobmeej rua Nwg hab qha txuj kev ca sab ntawd rua lwm tug.

Kev Thov Vaajtswv

Vaajtswv Leejtxiv tug muaj kev hlub hab kev zaam txim, thov koj zaam txim rua kuv hab them tej kev simsab kws pheej lug haubtxag kuv. Thov paab kuas kuv ua tau lubneej kws muaj lub sab luj sab dlaav hab paab tau lwm tug kuas puab lug cuag tau koj. Thov paab kuv hab cawm kuv kuas kuv muaj lubneej tshab nyob huv koj rua lwm tug pum. Thov huv Yexus Khetos lub npe, Kuv thov. Amees.