Hmong Baptist National Association

March 23-24, 2024

—

by

HBNA Editor
in

March 23-24, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Mej tej mlom kws mej puab, mej txua lug rua mej teev mej hawm ntawd dlua twg lawm? Thaus mej raug kev txomnyem, mej ca le hu tej ntawd lug paab mej los paub. Yog nwg cawm tau mej tag os. Cov tuabneeg Yudais es, mej tub muaj  vaajtswv muaj mlom ntau nyob huv mej tej nroog ne.” — Yelemis-Jeremiah 2:28

Xaav Txug Tejlug Rua Nubnua

Ca ua tuabzoo saib tej yaam muaj tom peb hauvntej. Peb yuav tsum pehawm Vaajtswv tuableeg nkaus! Lawv le lub keeb muaj rua huv peb tej lub sijhawm, yaam peb pe txaus sab, huv peb lubneej, tej nyajtxag peb siv, hab tej lug peb has, leejtwg lossis yaam twg yog peb tug vaajtswv?  Puas yog tug Tswv kws yog Vaajtswv? Peb tsi xaav tau tas tug nrug Yexus moog tsuas yog has lu lug hab ua lubneej nrug tej vaajtswv cuav.  Peb yuav tsum hlub nwg ua ntej hab hlub taag sab nrho hab hawm nwg tuableeg nkaus. Tsuas yog tuabtug Vaajtswv txhaj cawm tau peb dlim ntawm peb tej teebmeem!  Tug ntawd yog Yexus!

Kev Thov Vaajtswv

Peb tau raug teemtxim, Leejtxiv tug nyob sau Ceebtsheej, puas yog tug vaajtswv cuav es nyag nkaag lug nyob huv lub nqaabntuj  nuav hab nrhav tshuav peb. Thov coj hab pub koj lub fwjchim rua peb yaam tsi muaj kev sibcais huv peb lub nplawv. Peb xaav tau kuas peb muaj lub sab kws tsi muaj ib qhov ntxhuv rua ib yaam ib qhov twg kws tsi yog tug Vaajtswv tseeb. Huv Yexus lub npe, peb thov. Amees.