March 13, 2024

March 13, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus teb nwg has tas, Yog koj paub yaam kws Vaajtswv yuav muab pub rua koj hab paub has tas, tug kws thov koj ndlau dlej rua nwg haus nwg yog leejtwg, ces koj yeej yuav xub thov nwg, nwg yuav pub cov dlej kws cawm txujsa rua koj haus.” (Yauhaas John 4:10).

Xaav Txug Tejlug Rua Nubnua

Koj yuav tig moog nrhav tau lecaag yog koj tug ntsuj nqhes qhuavsab qhawv? Kuv ruaj sab tau tas, koj muaj tug xeebceeb muaj yees hab rua txuj kev txhum kws yog yaam koj tau hau nti moog rua yaam koj qhuavsab qhawv dlua le koj nrhav Vaajtswv. Nwg tuabneeg xwb txhaj yog lub hauvpaug yuav ua rua koj tau cov dlej kws yog koj tau haus lawm yuav tsi rov nqhes dlua, kev koj paub Vaajtswv yuav ua rua koj tau cov dlej haus kws koj txaus sab hlo. Ca le rau sab ntso moog cuag Vaajtswv, nrhav kuas paub nwg txhaj yog txujkev yuav ua rua koj lub sab nqhes ntawd xaam.   Peb yuav tsum caum yaam kws yog Vaajtswv tug sub peb saab ntsujplig txhaj yuav tsi nqhes moog ntxiv!

Kev Thov Vaajtswv

Vaajtswv, kuv ua koj tsaug kws koj pub cov dlej muajsa rua kuv hau thaus kuv nqhes dlej. Ua tsaug kws koj pub cov dlej cawmsav lug ntawm tug Ntsujplig Dlawbhuv kuv txhaj tau haus kws yuav tsi rov nqhes dlua lawm.  Paab kuv hab muab rua kuv kuas kuv tau hau tsau npos sub kuv txhaj yuav muaj zug hab txaus sab hlo. Huv Yexus lub npe, Kuv thov tej nuav. Amees