February 22, 2024

February 22, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Kuv thov Vaajtswv tug kws yog peb tug Tswv Yexus Khetos tug Vaajtswv, hab yog peb Leejtxiv tug kws muaj fwjchim ci ntsaa ab, nwg pub nwg tug Ntsujplig rua mej. Tug Ntsujplig ntawd yuav pub tswvyim rua mej hab qha Vaajtswv rua mej kuas mej paub Vaajtswv heev zujzug ntxiv. Kuv thov Vaajtswv qheb mej lub sab kuas mej totaub mej txhaj yuav paub has tas, thaus Vaajtswv hu mej lug mej muaj chaw ca sab le caas. Hab txuj koobmoov kws Vaajtswv cog lug tseg has tas, Vaajtswv yuav pub rua Vaajtswv haiv tuabneeg zoo npaum le caag. Hab Vaajtswv lub fwjchim kws ua haujlwm huv peb cov ntseeg lub sab luj npaum le caag. Lub fwjchim ntawd tub yog lub kws Vaajtswv siv tsaa Yexus Khetos sawv huv qhovtuag rov qaab lug, hab coj Yexus moog nyob ntawm Vajtswv saab xis puag sau Ceebtsheej.— Efexaus Ephesians 1:17-20

Xaav Txug Tejlug Rua Nubnua

Kuv ntseeg has tas, huv tug Ntujplig lub fwjchim kev cog lug “Ua rua tau ntau tshaaj yaam peb thov los yog yaam tsi tau xaav txug.” Kuv paub txug tug Ntsujplig lub fwjchim tegnum kws sawv tau huv qhovtuag rov lug,  yuav paab kuv kuas kuv hlub lwm tug thaus muaj xwm, thov txhawb kuv lubzug thaus kuv muaj kev covnyom, thov pub kuas kuv pum meej hab paub txhua thaus kuv kawm koj Txujlug, hab thov muab lubzug luj rua kuv thaus kuv muaj kev sis tawmtsaav. Kuv txu fwjchim lug thov koj coj kuv hab pub kuas kuv muaj tug Ntsujplig lub fwjchim nrug rawv kuv.  Kuv xaav kuas lwm tug kws kuv hlub paub txug Vaajtswv kev hlub kws muaj nyob huv kuv.  Ca kev thov Vaajtswv ua rua lwm tug lug nyob ze peb hab nrug peb kawm paub txug koj lub fwjchim hab yaam zoo kawg nkaus lug ntawm tug Ntsujplig Dlawbhuv ua haujlwm nyob huv kuv hab rua puab.

Kev Thov Vaajtswv

Vaajtswv tug muaj kev hlub, thov koj tsomkwm kuv nubnua kuas kuv ua tau lubneej rua koj tau koobmeej lug ntawm tug Ntsujplig Dlawbhuv ua tug coj. Thov foom koobmoov rua kuv tsev tuabneeg kuas peb paub txug tejnum nyob huv peb lubneej rua lwm tug.  Thov kuas peb muaj Ntsujplig lug fwjchim hlub peb hab siv kuas peb ua rua koj tau koobmeej hab paab tau lwm tug. Huv Yexus Lun npe. Amees.