February 14, 2024

February 14, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tomqaab ntawd tug TSWV kws yog Vaajtswv has tas, Tsi tsimnyog tug txivneej nua, nwg nyob nwg tuableeg xwb. Kuv yuav tsim dlua ib tug lug ua tug paab nwg, nrug nwg nyob ua txij ua nkawm. Yog le ntawd Vaajtswv txhaj le muab aav lug puab ua taagnrho ib puas tsaav yaam tsaj, hab ib puas tsaav yaam noog. Vaajtswv coj tej tsaj, hab tej noog kws Vaajtswv puab lug cuag tug txivneej, saib tug txivneej yuav tis npe hu ua le caag. Tej tsaj, hab tej noog txhaj le muaj npe lawv le tug txivneej tis..” (Chivkeeb Genesis 2:18-19)

Xaav Txug Tejlug Rua Nubnua

Vaajtswv npaaj rua kev txijnkawm yog ib ntxiv ib tsuas muaj ib. “ob… dlhau lug ib lubcev” (Mathais 19:5), hab “Vaajtswv tau muab obtug lug lu ua ke, ca tsi pub muab sis cais” (Mathai 19:6). Vaajtswv Txujlug has tas,  “hab obtug puav leej labqaab… hab tsi paub txaajmuag” (Chivkeeb 2:25). Qhov ntawd txhais lecaag tag? Nwg txhais tas puab muaj kev ywjpheej kws tsi muaj kev txaajmuag hab tsi ntshais. Puab txaus sab hab muaj cuabkaav sis pub txhua yaam tau.

ບໍ່ ມີ ທາງ ທີ່ ທ່ານ ຈະ ຊະນະ ໃນ ສົງຄາມ ກັບ ຄູ່ ຄອງ ຂອງ ທ່ານ ໄດ້. Vim lecaag? rua qhov koj hab koj tug txijnkawm yog ibtug. Hab yog tsuas sis ua rog rua ibtug mob los ib tug yeej yuav tsi yeej, koj tsuas yog tug swb. Meb yog ib lubcev.  Yog tug quasyawg ua rog nrug nwg tug quaspuj, yog nwg rov ua rog nrug nwg tugkheej. Ibtug quaspuj ua rog nrug tug quasyawg yog nwg ua rog nrug nwg tugkheej,  Yexus tuabtug txhaj muaj cuabkaav tsim lub tsev kws peb xaav tau. Yexus yog tugkws  txawjtsim lub tsev; Xataas yog tug rhuavtshem lub tsev kws Yexus tsim tau lawm.

Kev Thov Vaajtswv

Leejtxiv tug Dlawbhuv tshaaj, thov koj ca tug Ntsujplig Dlawbhuv tswj kuv lub sab kuas muaj yeej txhua yaam kev sim sab hab kev txhum huv kuv lubneej. Thov zaam kuv lub txim yaav dlhau lug hab thov ca koj kev hlub hab koj txujlug txhawb hab paab kuas kuv kov yeej txuj kev suavsim kws yuav lug raug kuv.  Xataas muab kev sim sab haubntxag kuv hab coj kuv tawm ntawm koj. Thov koj tsomkwm hab tivthaiv kuv, kuv thov Amees.