February 3-4, 2024

February 3-4, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog le ntawd peb cov kws yog tuabneeg Yudais peb zoo dlua lwm haivneeg los? Yeej tsi yog. Kuv tub qha rua mej paub lawm has tas, txujkev txhum yeej kaav taagnrho cov tuabneeg Yudais hab lwm haivneeg huv tuabsi. Lawv le tub muaj lug sau ca rua huv Vajtswv Txujlug lawm has tas, Tsi muaj ib tug tuabneeg ncaajnceeg hlo le. Tsi muaj ib tug totaub, lossis pehawm Vaajtswv lossis lug nrhav Vaajtswv.’” (Loos Romans 3:9-11)

Xaav Txug Tejlug Rua Nubnua

Cov tuabneeg huv Phoo Loos xaav nthuav puab tugkheej tawm nrug lwm tug hab has tas, “Kuv zoo dlua tug nuav los tug tom.” Tabsis koj pum, ntawd tsi yog koj lug nug.  Qhov xaav kuas koj totaub yog fwm Vaajtswv tug muaj fwjchim, ntawd txhaj yog qhov kws Paulus has nyob rua huv Loo 3:23  “Peb txhua tug muaj kev txhum hab nyob dleb ntawm Vaajtswv lub fwjchim.” Peb yuavtsum tsi xob pheej sib pev peb tugkheej lub neej rua lwm tug.

Kev Thov Vaajtswv

Vaajtswv tug togtxais, Kuv cawm kws cawm kuv Dlim, tug tsomkwm kuv thaus muaj txujkev phem hab yog tug muaj fwjchim. Thov pub rua kuas kuv muaj yeej thaus ntxwgnyoog tawmtsaam, thov qha kuv paub tas ntxwgnyoog tub yeej swb kuv. Paab kuv kuas kuv sawv nregnreeg tawmtsaam hab paab kuas kuv tuavrawv kev ntseeg rua huv koj. Lug ntawm Yexus kuv tug TSWV hab tug Cawmseej kuv thov. Amees.