January 22, 2026
Ib puas tsaav yaam kws mej ua mej tsi xob ywg ywg, hab tsi xob sib caav sib rhes. Mej txhaj yuav ua tau tug tuabneeg zoo kws tsi muaj leejtwg thuam tau, hab ua tau le Vaajtswv cov mivnyuas zoo kawg nkaus kws nrug cov tuabneeg tsi ncaaj hab sab phem nyob ua ke huv nplajteb nua. Thaus mej qha Vaajtswv txujlug kws cawm tuabneeg txujsa, mej yuav tsum ci rua puab ib yaam le cov nubqub ci sau nruabntug. Yog mej ua le ntawd thaus txug nub Yexus Khetos lug, kuv yuav tau ntsejmuag. Rua qhov thaus ntawd suavdlawg yuav pum has tas, tej haujlwm kws kuv siv siv zug ua muaj nujnqe heev. — Filipis 2:14-16
Paub Txug….
Cov nubqub! Puab yeej ib txwm yog ib lub hauv paug ntawm kev ca sab tas moog le rua Vaajtswv cov tuabneeg. “Kuv yeej yuav foom koobmoov rua koj, hab kuv yeej yuav ua rua koj cov xeebntxwv ntau ntxiv le cov nubqub sau nruagntuj…” Vaajtswv has rua Aplahaas (Chivkeeb 22:17). “Thaus kuv xaav txug koj lub ntuj ceeb tsheej, kev ua haujlwm ntawm koj cov ntiv teg, lub hli hab cov nubqub, kws koj tau teeb tsaa rua huv qhovchaw, dlaabtsi yog tuabneeg kws koj ncu ntsoov puab…” Daviv nug (Ntawv Nkauj 8:3-4). Cov tuabneeg txawj ntse, Magi lug ntawm saab nub tuaj, lawv ib lub nubqub moog nrhav tau tug miv nyuas Yexus (Mathais 2:1-2). Luka ceeb toom rua peb tas Yexus yog qhov pum kev lug sau ceebtsheej ntuj lug ci rua cov kws nyob huv qhov tsausntuj (Luka 2:32). Hab taamsim nuav, peb yog cov nubqub – Vaajtswv cov ntsab lug ntawm lub teeb nyob rua huv lub ntuj tsaus ntuj ntawm lub qaab ntuj khwb. Ca peb ua nub nua ib nub kws peb lub teeb ci Vaajtswv lub yeebkoob rua ibtug tsaus nti nplateb nyob ib ncig ntawm peb. Peb yuav ua neej rua Yesxus tsig ywg tsig muaj kev sib caav sib rhes, ua lub neej dlawbhuv kuas peb txhaj le ci tau tug Tswv lub txaj ntsim rua cov tuabneeg kws tsi paub nwg dlhau ntawm Yesxus ! Ca peb tuav tawm lu lug ntawm lub neej nyob rua huv peb lub nplajteb tsaus ntuj.
Thov Vaajtswv..
Vaajtswv tug Kws Muaj Fwjchim Luj Kawg Nkaus, qhov kev nthuav dlaav tsi txaus ntseeg ntawm koj lub qaabntuj khwb, nrug nwg ntau txheebvaam lub nubqub, tshaaj qhov kuv txuj kev nkaag sab tau. Taabsis kuv ua tsaug rua koj hu kuv lug ua ib tug tuabneeg ntawm lub teeb nyob rua huv lub nplajteb tsaus ntuj nti nyob ib ncig ntawm kuv. Kuv cog lug tas yuav ci koj lub teeb nyob rua huv lubneej ntawm taagnrho cov tuabneeg kws kuv cuam tshuam. Lug ntawm Yexus lub npe, koj lub nubqub ci ntsaa ab hab sawv ntxuv (Tshwmsim 22:16), Kuv thov Vaajtswv. Amees.