January 20, 2026

Tej kev kws sim mej sab tsuas yog tej kws suavdlawg ibtxwm muaj lug lawm xwb. Vaajtswv yog tug ncaajnceeg nwg yuav tsi pum mej raug tej kev simsab kws mej yuav nyaj tsi taug thaus mej raug kev simsab.— 1 Kauleethaus  10:13

Paub Txug….

KEV NTXAG… Peb txhua tug tau ntsib nwg. Peb paub tas nwg yog tug tuabneeg phem ua tuabzoo tsim ragphom, tshwjxeeb tsim lug ntxag peb cov tuabneeg sis tua. Tej zag peb tuajyeem nov tug dlaab phem lub suab huv peb lub hlwbhau, has tas, “Tsi muaj leejtwg yuav paub. Tsi taag le ntawd, nwg yuav tsi ua mob rua leejtwg!” Tabsis nyob rua huv peb lub sab, peb paub has tas moog tsuas yuav nyob rua huv kev ntxag kuas muaj teebmeem vim has tas peb tau tso cai rua peb tugkheej tsi ncaajnceeg lawm hab muab ibfeem ntawm peb tugkheej. Ua tsaug, peb yuav kovyeej kev haubntxag yog has tas peb ua dlaabtsi, nqai nua ceebtoom rua peb: Kuas ncu ntsoov tas Vaajtswv yog tug ncaajnceeg. Kuv Leejtxiv tug nyob sau ceebtsheej yuav tsi ca kuv raug ntxaglossis sim tshaaj qhov kuv muaj peevxwm dlaws tau.  Yuav kuas ntseeg tau has tas Vaajtswv yuav muab ib txuj kev ntawm kev tsivdlim, yog le ntawd kuv yuav tsum tau moog nrhav nwg, hab tawm tsaam tug phem tomqaab nwg, lawv le kuv txaav lug ze rua Vaajtswv (Yakaunpau 1:13-15, 4:7-8).

Thov Vaajtswv..

Txiv tug ncaajnceeg hab muaj kev hlub, ca le tiv thaiv kuv lub sab ntawm kev simsab hab kuv lubneej ntawm kev txhum. Kuv xaav ua haujlwm rua koj nrug kev mob sab kawg. Thov zaam txim rua kuv qhov kev txhum yaav dlhau lug, hab lug ntawm koj txuj kev tshaavntuj hab lug ntawm koj txujlug, txhawb kuv nrug koj tug Ntsujplig Dlawbhuv kuas kuv txhaj le kovyeej cov kev simsab kws tug  tuabneeg phem siv lug cais kuv ntawm ntawm koj. Lug ntawm kuv tug Tiv Thaiv hab Tug Txhiv Dlim, Yexus, Kuv thov Vaajtswv nrug kev ntseeg sab. Amees.