January 13, 2026

Tug caum ua txujkev ncaajnceeg hab kev hlu, ces nrhav tau txujsa, kev vaammeej, tab kev luas fwm yug— Paajlug 21:21

Paub Txug kws

Tsi tu sab thaus peb sawv kev moog nrhav kev zoo sab, kev xyiv faab, qhov tseemceeb, lossis lub ntsab lug, Peb tsi tshua pum txuj kev kws peb ca sab tas yuav nrhav tau? Es le, thaus peb muab peb tugkheej lug paab lwmtug hab muab peb tugkheej taagnrho lub sab rua tug Tswv hab rua nwg txuj haujlwm,  ces has tau tas, peb nrhav tau yaam peb xaav tau tshaaj plawg hab yuav yog feem tau txaus nkaus. Ntxiv rua yaam peb ua paab rua lwmtug, peb zoo le tug Cawmseej kws paab luas  (Malakaus 10:43-45) hab peb paub tseeb tas Vaajtswv yuav raug fwm hab luas yuav fwm peb (Filipis 2:6-11), rua qhov, qhov ntawd yog txujkev peb ua peb lubneej nyob!

Thov Vaajtswv…

O tug muab txhua yaam hab tej khoomplig zoo tag tag, thov foom koobmoov rua kuv nrug yaam kws yuav ua rua kuv muaj sijhawm ua tau koj tegnum rua lwmtug. Thaus kuv chiv ua dlejnum rua lwmtug, thov koj muab tug kws kuv tsimnyog yuav ntsib tau lug ntsib kuv hab kuv yuav qha txug Vaajtswv koj lub tebchaws tsi has huv lub nplajteb lossis sau Ceebtsheej.  Kuv thov tej nuav lug ntawm koj tug tubqhes Yexus, hab huv tug Ntsujplig lubzug kuas ua tau zoo le nwg. Amees