January 16, 2026

Nreg tsi xob ua phem, kawm ua kuas yog!  Nrhav kev ncaajnceeg, ca le paab tej tuabneeg kws raug luas quabyuam. Tsaa tej mivnyuas ntsuagnog cai hab paab nreg tej pujntsuam rooj plaub. — Yaxayas 1:16-17

Paub Txug….

Koj puas nrhav tau ibqho yoojyim lug hloov kev paabcuam rua cov tuabneeg xaav tau kevcai ntseeg. Vaajtswv hlub peb npaum le ntawd nwg txaus sab xaa rua peb lug ntawm cov lug nyob rua huv phoo ntawv dlawbhuv; Vaajtswv tau lug rua peb lug ntawm nwg tugkheej kws yog txujlug kws hu ua Tswv Yexus, Immanuel, Vaajtswv nrug peb (Yauhaas 1:1-18; Henplais 1:1-3; Mathais 1:23). Huv Yexus, Vaajtswv taabmeeg ua tim ntsej tim muag nrug koomteg nyob rua huv txuj kev hlub (Malakaus 1:40-42).

Txawm yog Yexus lug qha nwg txuj haujlwm (Luka 4:18-19) lossis Yakaunpau has txug hom kev ntseeg kws ua rua Vaajtswv txaus sab (Yakaunpaus 1:26-27), peb yuav tsum ncu ntsoov tas kev ntseeg tag tag yuav tsum coj lwm tug ib yaam le Vaajtswv coj moog rua nwg. (1 Yauhaas 3:16-18).  

Thov Vaajtswv..

Au Vajtswv ntawm txhua yaam kev npligsab, thov qheb kuv lub qhovmuag nubnua kuas pum cov tuabneeg kws xaav tau koj txuj kev hlub hab thov muab kuv lub sab ua tuabzoo ua zoo zoo, nqeg peev rua puab tugkheej hab muab kuv lub sijhawm lug paab puab. Thov kuas Yexus lub sab raug pum nyob rua huv teg haujlwm ntawm Kuv txhais teg. Amees.