January 15, 2026
Tug muaj lub sab hlub ua taug sab ntev, nwg paab luas, nwg tsi ntxub leejtwg, nwg tsi muabhlub, nwg tsis khaavtxiv, nwg paub cai, sabdawb, sabzoo, tsi muaj lub sab hlub, tsi chimsai, tsi cim ntsoov luas tej kev txhum, — 1 Kauleethaus 13:4-5
Paub Txug….
Kev hlub tag tsi yog xaav txug tugkheej, tabsis xaav txug lwmtug. Ib qhov ntawm tug cwjpwm ntawm kev hlub yog – Ua sab ntev, sab zoo, tsi khib, tsi khaavtheeb, tsi ua phem, tsi yoojyim npau tawg, khaws tsi muaj ntaub ntawv ntawm kev ua txhum – yog lawv le ib tug hlub, khuv leej hab zaam txim tug cwjpwm kws saib lwmtug muaj nqe rua peb, hab rua Yexus. Tsi xob muab tug nqe rua peb tugkheej hab peb lub sab ntshaw xwb, peb ncu ntsoov tas Yexus tau ua neej lecaag hab nrhav kuas muaj lub sab zoo le nwg (Filipis 2:5-11). Hom kev hlub nua yog lug ntawm tug Ntsujplig Dlawbhuv lub fwjchim nyob huv peb (Loos 5:5; Kalatias 5:22-23). Nwg yog ib feem ntawm tug Ntsujplig hloov peb moog rua huv ntau tug tuabneeg ntseeg Yexus (2 Kauleethau 3:18). Lu lug qub yeej muaj tseeb: “nruab nraab ntawm taagnrho cov kev txhum luj yog Kuv!” Thaus kuv dlhau pum”kuv” tseemceeb dlua lwmtug, thaus twg “KUV” xaav tau hab yuav ua lecaag “KUV”yeej yog qhov tseemceeb tshaaj qhov lwmtug xaav tau tag tag, tomqaab ntawd “KUV” tau plaam kuv txuj kev hlub hab tsi qha Vaajtswv txuj kev hlub rua lwmtug.
Thov Vaajtswv..
Vaajtswv tug Dlawbhuv hab Leejtxiv tug muaj kev hlub, thov qha kuas peb pum lwmtug hab saib puab raunqe ib yaam le koj hab lawv le Yexus qha thaus nyob huv nplajteb nua. Peb paub tas koj hlub peb thaus peb tsi ntxim hlub, hab txhwv peb thaus peb tsi tsimnyog txhiv.* Yog le peb thov kuas tug Ntsujplig Dlawbhuv paab kuas peb muaj lub sab zoo le koj. Huv Yexus lub npe, peb thov Vaajtswv. Amees.