January 12, 2026

O tug Tswv, Koj yog tug muaj zaamtxim hab zoo,   muaj kev hlub ntau rua txhua tug kws hu koj.—Ntawv Nkauj 86:5

Paub Txug ..

Kev zaam txim yog ib qho koobmoov qaab zib. Tabsis Vaajtswv ua ntau dlua le zaam txim xwb! Yexus ntxuav hab ntxhuas peb, ces muab peb rua Vaajtswv lawv le “dlawbhuv nyob rua huv nwg lub qhovmuag saib, tsi muaj qhovphem hab tsi muaj kev ablam” (Kaulauxai 1:21-22). Txawm yog yuav zoo lecaag los Vaajtswv tsi kaam tso peb tseg es yuav tsi hlub. Nwg tsi tau kom peb txug nwg txuj kev zaam txim. Nwg nchuav nwg txuj kev hlub laublug rua peb, hab rua huv peb, rua qhov peb yeej muaj lub sab nrhav nwg lawv le nwg yog peb Txiv (Loos 5:5; 1 Yauhaas 3:1). Yog le, ca peb quajnrhav hab thov Vaajtswv zaam txim thaus peb qhuas tug muaj Fwjchim luj kawg nkaus lub npe dlawbhuv hab dlawbhuv, peb ruajsab paub tas peb Txiv yog tug foom koobmoov laublug lug rua peb lug ntawm qhovzoo, taabncuab hab hlub !

Thov Vaajtswv…

O Leejtxiv tug nyob sau ceebtsheej, kuv thov txug koj, kuv xaav kuas koj paub txug koj txujkev hlub mas tseemceeb npaum lecaag rua kuv, koj txhaj hlub hab zaamtxiv rua peb lubneej. Thov paab kuv kuas txawj ua lubneej le koj tug mivnyuas kws koj hlub hab thov txuas kuv rua huv koj tug Tub txuj kev hlub, kuas kuv ua tau lubneej rua koj tau koobmeej moog le. Huv tug Cawmseej Yexus lub npe, Kuv thov. Amees.