January 3, 2026
“Ca le muab mej teg haujlwm cob rua tug TSWV, mas mej tej kev xaav yuav ruaj khov.” Paajlug 16:3
Paub Txug ..
Koj puas xaav tau kuas muaj ib lub homphaj huv koj lubneej. Hab nwg yuavtsum tau qha meej, yog tas koj tsis muaj qhov ntawd, Koj zoo le lub nkoj nyob rua havtxwv tsaus ntuj nti tsi muaj lub nkoj tug kivcua ntaus nkoj, tsi muaj dlaim ntawv qha, hab tsi muaj kheemthiv. Feemcoob tuabneeg tsi npaaj, yuav ua tsi tav, vim puab tsi tau npaaj ibyaam dlaabtsi! Koj yuav has tas, “Kom paub meej, koj yog ib tug xwbfwb qhuabqha. Koj yuav tsum muaj qee lub homphaj.” Cov nam yuavtsum muaj lub homphaj. Cov xwbfwb qhantawv yuav tsum muaj homphaj. Cov kawm ntawv yuav tsum muaj homphaj. Cov tuabneeg ncaws pob yuav tsum muaj lub homphaj. Cov Kws khu mob yuavtsum muaj lub homphaj. Hab ib pawgntseeg, feem ntau, yuavtsum muaj lub homphaj.
Puas yog koj lub homphaj tshwjxeeb txaus koj tuaj yeem muab tso rua huv dlaim ntawv taagkig nua? Tej homphaj ntawd yog dlaabtsi? Dlaabtsi txhawb tau kuas koj ua? Kuv txhais tau tas, Koj yuas sim ua dlaabtsi? Yog peb lub homphaj tsi yog lug ntawm Vaajtswv hab lawv le Nwg lub sab nyam, tej kws peb ua peb npaaj ntawd yuav ua tsi tau tav.
- Koj lub homphaj rua xyoo no yog dlaabtsi?
- Koj xaav muab koj lub homphaj coj lawv le Vaajtswv lub sab nyam lecaag?
Xaav…
Siv sijhawm nubnua lug sau tawm tsi yog koj lub homphaj rua xyoo nua, tabsis rua koj lubneej. Koj yuav muab zwm qhov nua rua ntawm Vaajtswv xub ndlag lecaag kuas Nwg txhaj le yuav tsim tau nyob huv koj?