January 2, 2026
Tig Tsom Saib Xaus Xyoo
Tub dlhau lug tau ibnub, ca peb tsom saib rovqaab, es has tas, Vaajtswv ua koj tsaug, rua qhov koj ua tug coj kuv thaus nce toj hab nqeg taug lub xyoo 2025. Qee nub tsi yoojyim, tabsis Koj yeej tsi tso kuv tseg, koj nrugnraim txhua nub lug tau ib lub xyoo. Thaus kuv qaugzug, Koj yog tug txhawb kuv lub zug. Thaus kuv yuamkev koj ua lub teeb ci rua kuv. Thaus kuv ntxhuv sab, Koj ua rua kuv muaj lub sab tajtug. Thaus kuv twg kev tsi pumqaab nrhav tau kev tawm. Koj ua txujkev rua kuv pum. Tug Tswv, Kuv sawv ntawm nuav tsi yog vim kuv muaj txhua yaam. Kuv sawv ntawm nuav tub yog vim koj yeej ibtxwm tsi tso kuv tseg. Koj yog tuabqho ua rua kuv tseem nyob ntawm nuav xwb. Ua tsaug, tug Tswv, Kuv hlub hab fwm Koj! Thov muab lubsab tawv kws yuav txhawb tau lwm tug yaamtsawg kuas ibtug paub txug koj txhua nub txug koj kev hlub hab coj. Kuv yuav coj hab qha nwg kws yog tug koj hlub kuas pum yaam Koj yuav muab rua nwg ua huv 2026.
Xaav txug tejnuav
Ua Vaajtswv tsaug rua txhua yaam lub xyoo 2025 hab ruaj sab rua yaam tshab hab yaam zoo kws yuav muaj lug huv lub xyoo 2026 nuav, ca pib muaj kev paab lwm tug kuas muaj kev ntseeg kuas ruaj kuas khov hab lujhlub. Qha Yexus zaaj rua tug tseem tsi tau ntseeg, hab coj kuas nwg lub ntseeg tug Tswv Yexus Khetos.