June 6, 2024
Nubnuav Nyeem-Kawm Vaajtswv Txujlug
Nqailug Rua Nubnua
“Nwgnua, Vaajtswv tub coj peb lug nrug Vaajtswv sis huvxeeb lawm rua qhov peb ntseeg. Vaajtswv kuas peb tug Tswv Yexus Khetos ua rua peb nrug Vaajtswv sis humxeeb.”— Loos 5:1
Xaav Txug Tejlug Rua Nubnua
Tug nqe kws ua rua peb muaj kev sis humxeeb mas yeej ibtxwm sab. Yexus muab tugkheej ua yaam khoom fij yuav peb kev sis humxeeb nrug Vaajtswv. Vaajtswv xaav kuas paub tseeb tas tug nqe yuav peb kev ntxeevsab rua Vaajtswv tub them lawm, tabsis nwg tsi kuas peb them rua nwg rovqaab vim peb yeej muaj tsi txaus them tug nqe ntawd. Dlua le, Vaajtswv ntawm nwg tugkheej, huv Yexus, hab nwg tsuas thov kuas peb ntseeg le nuav “qhov-zoo-kws -tsi-txaus-ntseeg” qhov khoom pub yog qhov tseeb lug huv nwg kev hlub hab peb kev ntseeg nwg txujmoo zoo. (1 Kauleethaus 15:1-7).
Kev Thov Vaajtswv
Txiv tug Dlawbhuv hab hlub, ua koj tsaug kws koj muab kev sis humxeeb hab coj kuv rov lug rua koj ntawm tug nqe sab kawg rua koj tugkheej, ntawm kev raug tsimtxom ntawm koj tug Tub (Kaulauxais 1:18-19). Ua koj tsaug, tug Tswv Yexus, kws txaus sab muab koj tubkheej lug raug tsimtxom sau khaublig. Ua koj tsaug kws koj tsi saib kuv zoo le koj tug yeebncuab rua qhov kuv txuj kev txhum (Loos 5:6-11) tabsis zoo le tug yaaj kws pluj lawm kws yuav tau nrhav kuas tau lug ntawm koj kev taabncuab hab hlub. Ua koj tsaug vim koj coj kuv lug tu le koj tug mivnyuas kws koj hlub. Huv Yexus lub npe, Kuv tsuas muab lug, lug ua koj tsaug hab qhuas koj. Amees.